ساعات أقوم الصبح قلبي حزين
أطل بره الباب ياخدنى الحنين
اللي اشتريته انباع.. واللي لقيته ضاع
واللى قابلته راح.. وفات الأنين
-------
وارجع وأقول لسه الطيور بتفنّ
والنحلايات بتطنّ
والطفل ضحكه يرنّ
مع إن مش كل البشر فرحانين
-------
حبيبى سكر مر.. طعم الهوى
فرق ما بيننا البين ماعدناش سوا
حرام عليك يا عذاب نبقى كدة اغراب
ده البعد والله جرح من غير دوا
-------
وارجع وأقول
لسه الطيور بتفنّ
والنحلايات بتطنّ
والطفل ضحكه يرنّ
مع إن مش كل البشر فرحانين
-------
آدى اللى كان.. وادي القدر وادي المصير
نودع الماضى و حلمه الكبير
نودع الأفراح
نودع الأشباح
راح اللى راح ماعدش فاضل كتير
ايه العمل فى الوقت ده يا صديق
غير اننا عند افتراق الطريق
نبص قدامنا على شمس أحلامنا
نلقاها بتشق السحاب الغميق
-------
وارجع وأقول
لسه الطيور بتفنّ
والنحلايات بتطنّ
والطفل ضحكه يرنّ
مع إن مش كل البشر فرحانين
-------
----
--
-
كلمات: صلاح جاهين... من لا تتوقف رسائله
ألحان: كمال الطويل
غناء: صاحبة السمو ماجدة الرومي
4 comments:
Allah!!!
لسة الاغاني ممكنة ..ممكنة
That was intended for someone in particular!!
يا رب يكون الإهداء وصل للي في بالي
:))
غداً ستنبت فى جبين الأفق نجمات جديده
وغدا ستورق فى ليالى الحزن أياماً سعيده
..
والشمس هتطلع
..
مع ان مش كل البشر فرحانين
...
المهم انتى تكونى فرحانه
:)
Beautiful Mind,
:))
بحاول
والبحث مازال مستمرًا عن تلك النجوم الجديدة وتلك الأيام السعيدة
Post a Comment