اليوم الثاني7\8\2007
هو إيه حكاية البحر؟ليه بحبه كده؟يمكن عشان كبير وحضنه يسع الكون... يمكن عشان قوي وبحس معاه بضعفي... يمكن عشان هادي ولي لحظات جنون... يمكن عشان صوته بيهدهدني... يمكن عشان لونه بيخطف عينيه... يمكن عشان ريحته بتطمني... يمكن عشان بشوف في مرايته نور الدنيا ساعة الغروب... يمكن عشان بيشيلني... يمكن عشان في حضنه بحس إني لسه فراشة صغنططة لابسة بلوزة منقطة... يمكن عشان بعيد... يمكن عشان قريب... يمكن عشان كل ده... ويمكن عشان شبه حبيبي
أنا بعشق البحر
زيك يا حبيبي حنون
وساعات زيك مجنون
ومهاجر ومسافر
وساعات زيك زعلان
وساعات زيك فرحان
وساعات مليان بالصبر
أنا بعشق البحر
2 comments:
How I wished to be holding your hand, silently, before the sea!
*sigh*
Epitaph,
How I wished the same.
* a deep sigh *
Post a Comment