هل قابلتم الصفاء من قبل؟

Once upon a time I met a little girl called Purity, and once upon a time she sent me those words… I mean those pearls:

My advisor and my partner in everything,

Only you share me this thing,

No one of my friends play your act,

As all of them are illusion, and you are a fact.

My best and dearest friend you are,

Only one in million you are,

No word can express my feeling,

As it is just a word, but I am sure you are feeling.

Remember them my little Purity?

I wish I could write you back such pearls but, alas. I am no poet.

"But as for me, alas, I may no more."

Instead, I will write something else… I will try to write you and me… a vestige of you and me… our shared lives…onto the land… I mean my land… my blog… with one hope… only one… to see a smile on your face… I know I will not be able to see it but I will feel it deep in my heart.

أول مرة اتقابلنا كان على السور الرخام أدام شئون الطلبة...شفت بنوتة رقيقة كالفراشة...وبراءة الأطفال في عينيها...كنت ساعتها لسه في ياباني...فاكرة القدر إزاي جمعنا...إنتي المفروض تكوني في B وأنا المفروض أكون في D بس C جمعنا...فاكرة محاضرات محمود عباس إلي صورتيها لي...أعترف الآن أنني لم أستطع أن أقرأ منها ولا كلمة...فاكرة حبك الشديد لPride and Prejudice ...فاكرة المرات الأولى إلي ركبنا فيها السوبر جيت مع بعض... كنتي بتعدي ترغي طول الوقت... فاكرة حكاياتك عن سيمونا والمليون حبيب بتوعها... مستر أشرف فايد... فاكرة امتحانات التيرم الأول ... لما كنا بنقطع التذاكر مع بعض... لما بابا كان بيوصلنا المحطة ونعدي عليكي الفجر في الضلمة... فاكرة أول عيد ميلاد كنت فيه معاكي... فاكرة القطر المكيف... فاكرة يوم امتحان الترجمة لما الدنيا مطرت وورق المتحان اتبل والترام اتعطل... فاكرة انبهارنا بسلوى رشاد... فاكرة غيظتنا من منى دانيال... فاكرة الورق إلي كنتي بتجيبيه من على النت عن The Zoo Story ... فاكرة أول محاضرة لدكتور طلبة... طب كان لابس إيه؟... فاكرة المشادات إلي كانت بتحصل بيني وبين لبنى... ولا لما كانت بتناديكي صافيناز... فاكرة الورق الفظيع إلي كانت بتجيبه شيماء زكريا... فكرة لما جبتي لي نتيجة التيرم الأول... ليلتها قعدت أعيط للصبح... كان يوم خميس... وكملت عياط يوم الجمعة... ويوم السبت قابلتك... أنا فاكرة حاجة واحدة بس... طبطبتك عليه وكلماتك:"ما تزعليش ... مين عارف... مش يمكن تطلعي الأولى في التيرم التاني"... هذا ما يحدث عندما تقابل الصفاء... فاكرة لما كنتي بتيجي أبو خليل متأخرة وكنا بنعد على كرسي واحد... فاكرة امتحانات التيرم التاني ... فاكرة يوم امتحان الشعر... كان حالنا ما يعلم بيه إلا ربنا... فاكرة أوتوبيس الموت إلي ركبناه يوميها... واتكتب لنا عمر جديد... فاكرة لما اتغديتي عندنا إنتي وعمو... فاكرة أول يوم جيتي معايا البيت... طب كلنا إيه؟... جمبري... فاكرة لما كنا بنسهر نبيض محاضرات منى دانيال... فاكرة يوم الpresentation ... فاكرة أول ما اتحجبتي وإزاي ما كنتيش بتعرفي تظبطي الطرحة... طب فاكرة امتحانات سنة تانية... فاكرة لما قلت لك ما تذاكريش Prothalamion وواحد اتجنن وجابها في الامتحان... يومها رجعتي معايا قبل امتحان المقال... فاكرة مشاوير الأنجلو... فاكرة فسحة المتحف...فاكرة تاني عيد ميلاد... فاكرة يا صافي ... طبعا فاكرة زي ما أنا فاكرة... ذكرياتنا مع بعض أكبر من أن تكتب في ليلة واحدة... تحتاج لكثير من الليالي... ليالي طويلة بطول الي عشناه سوا... ولكني سأواصل اجترار الذكريات ... لا لأعيش عليها ولكن لأتذكر دائما أن علينا صناعة المزيد منها... لنكتب ونكتب ونكتب إلى الأبد.

كلمة أريد أن أقولها... شكرا... لصفائك... لتفهمك... لحضنك الدافىء في ليالي الشتاء... لوقوفك بجانبي دائما...تنبأ الكثير لصداقتنا بالفشل... لم يدركوا أن اختلافنا هو سر نجاحنا... يبدو دائما لمن ينظر إلى علا قتنا نظرة عابرة أنني أم وأنكي طفلتي... صحيح ... ولكن لا يستطيع الكثير أن يرى أنني كثيرا ما أكون الطفلة وأنتي اللأم... فيا طفلتي ويا أمي تشجعي ... حاربي من أجل حبك... وأنا دائما إلى جانبك.

إليكي أهدي كلمات "بحر الحياة" ... أغنية محمد منير الأكثر من رائعة... حوار بين صوت الأمل وصوت اليأس... يا ترى أي الصوتين سينتصر في حياتنا يا صفائي؟... أعتقد أن هذا الأمر يرجع لنا نحن...أحبك... عودي لحبك ولي بخير يا صفائي.

بحر الحياة غدار وإحنا لفين رايحين

شايل معاه الأسرار وإحنا معاه ماشيين

أيام تفوت وتروح وإحنا ولا حاسين

أحلام تعيش وتموت يا قلوبنا يا خايفين

الطير بيهاجر وبيرجع

الشمس بترحل وبترجع

الدنيا بتاخد وبتدي

الليل لو طول هيعدي

دي ليالي بنحلم وتعبنا

ورجعنا لوحدنا بعذابنا

حاول تتغير

ومسيرك تقدر

وبلاش نستسلم يوم للحزن مادام عايشين

بحر الحياة غدار وإحنا لفين رايحين

شايل معاه الأسرار وإحنا معاه ماشيين

أيام تفوت وتروح وإحنا ولا حاسين

أحلام تعيش وتموت يا قلوبنا يا خايفين

لوينسى الواحد أحزانه

هيشوف الورد وألوانه

لو نفتح للدنيا قلوبنا

هتدق الأحلام على بابنا

دي ساعات الدنيا بتوعدنا

ونقرب منها وتبعدنا

حبها من قلبك

حبها هتحبك

إضحك للدنيا الفرحة هتيجي في غمضة عين

بحر الحياة الغدار...الدنيا لسه بخير

شايل معاه الأسرار...في حياتنا لسه كتير

أيام تفوت وتروح...بكره هييجي أكيد

أحلام تعيش وتموت...هيجينا حلم جديد

الدنيا لسه بخير

في حياتنا لسه كتير

بكره هييجي أكيد

هيجينا حلم جديد

بحر الحياة الغدار...الدنيا لسه بخير

شايل معاه الأسرار...في حياتنا لسه كتير